تعداد المسابقات هيتعدى تعداد البشر

~~~بسم الله الرحمن الرحيم~~~

اعزائى متابعى مدونتنا الكرام احب ان اقول لكم انه حان وقت الموضوع الجديد

وهو عن المسابقات التى تتكاثر اكثر مننا

انا فى بداية حلقات المفتش كرومبو اعجبت بيها بشكل لا يصدق

بعد كده جت حلقة ان المعلم اتسرق والصبى بتاعه بيحطله الفلوس فى السبت وعجبتنى جدا

ويمكن ده افضل حلقة فى حلقات كرومبو واكتر حلقة الناس كان صعب انهم يحلوها

ولما شافوا ان الناس كان صعب عليهم يحلوها عملوا واحدة تانية منها اللى هى بتاعة الخروف

ممكن لو تفكروا شوية فى الحكاية دى وقولوا ده معناه ايه .

بعد تفكيركم انا هقولكم اجابتكم صح ولا لاء

الاجابة هى انهم عاوزيين يكسبوا فى الحكاية دى واكبر دليل على كلامى انكم لو تشوفوا اى حلقة ليها

تكملة او نفس الناس بتوع المرة اللى فاتت هتلاقوا ان الحلقة اللى كانت الجزء الاول للتكملة

كانت واخدة صديد جامد مع الناس والناس كانت هى دى اكتر حلقات معجبة بيها او معرفتش تحلها

وفى حلقة الخروف اللى اتسرق لقوا ان اللى سرق الخروف كانت ايده فيها بوياء لونها اخضر مكان ما قد

ربط صبى المعلم الخروف على الحائط المدهون بالبوياء الجديد وكانت من اسهل حلقات كرومبو

وقد توالى من نفس نوع هذه الحلقة حوالى 8 ( ثمان ) حلقات مثلها او شبيها لها يا من المخرج

" هيثم حمدى " او من المخرج " احمد مهدى " اللى بيحاولوا انهم يعملوا الجديد قبل بعض علشان واحد منهم

يغيظ التانى .

بجد احنا مش عاوزين حلقات هايفة ولا عاوزين حلقات زى اللى انتوا بتعملوها وحلقات متكررة

وانتوا عارفين ومتأكدين ان معظم الناس لسة بتابعكم لانها ادمنكتكم زى كرة القدم او المصارعة

بس احنا زى ما قولنا اننا مش عاوزيين حد يغيظ التانى .

احنا عاوزيين حلقات نفكر فيها ونتسلى

مش تجيبوا حلقات المفروض انها تتحط على اسطوانات ووتقدم لاطفال عندهم 5 سنين

مع انكم عارفين ومتأكدين ان اللى بيتابعكم معظمهم بالغين .

انتوا يمكن تكونوا عاوزين تكسبوا وبس انما احنا عاوزيين نفكر بجد وعاوزيين اى حاجة تشغلنا عن

الحروب والمجازر والقتل وكل اللى بيحصل .

بجد احنا عاوزيين حاجة واحدة بس على الاقل فى البلد دى نكون حاسيين اننا مش بنتسرق فيها او حد بينصب

علينا فيها ارجوا لكل قارئ لهذا الموضوع او لهذه الرسالة انه يكتب رد يكون فيه

حل .

يا اما نقاطعهم .

يا اما نسيبهم ينصبوا علينا ويسرقونا .

يا اما نتابع الحروب والاخبار اللى برده بينصوا علين فيها ويقللوا فى عدد الشهداء فى فلسطين

اللى اتضح انهم ميت منهم مليون وثلاثمئة الف وخمس وثلاثون وبعد احصاء ما ورد فى التلفزيون

والراديو من شهداء وجد ان عددهم ثمانمئة الف واثنان وستون شهيد فقط ( نصـــــــــــــــــــــــــــــــــــــــــــــــب ) .

يا اما نعمل مزاهرات .

يا اما ننصب احنا كمان وهو ده بيتهيئلى انه هيكون الحل وبكرة تشوفوا .

عاوز حلول اكتر عاوز حل نتفق عليه بجد عاوزين احنا على الاقل نبقى ايد واحدة فى الحكاية دى مش نكون زى

المخرجين هيثم حمدى واحمد مهدى

~~~الحمد لله رب العالمين~~~