~~~بسم الله الرحمــــن الرحيـــم~~~
اهلا باغلى زوار على قلبى فى الدنيا كلها
انا النهاردة قولت انى اعمل مواضيع كتيرة يوميا بس جاتلى فكرة احلى
هى انكم تشاركونى المواضيع ازاى !!!
انتوا لو شفتوا فى قسم استمتاع عن وشم الاسطورة والنجم والهضبة " عمرو دياب "
الجديد والحكاية اللى ألفتها عنه هتلاقوا فى مواقع كتيرة عملت فيها الموضوع
ردود كتير اوى وكان اول حاجة يتحط فيها الموضوع كانت هنا والحمد لله
بس فى حاجة هعملها فى المواقع الكبيرة وهى ان كل واحد يتخيل انه قابل حد عاوز يقابله ويقول
عمل ايه معاه
ويكتبها فى الرد وفى الاخر يكتب اسمه علشان هحطها بأذن الله فى المدونة
بأسمه بس طبعا اى رد مخالف ده بيتمسح عادى بالنسبة لينا بس
مش عادى ليك لانك بتاخد ذنوب انتا متتوقعهاش
المهم انى هعمل الحكاية دى فى المواقع الكبيرة
زى :
ايجى رود
ماى ايجى
عرب ليونز
مزيكا تو داى
برامج نت
عرب سيد
فونيكات
ايجى كات
وغيرها من المواقع الكبيرة
وهيبقى ليها اعلان هنا ان شاء الله
وفى مفاجأة كبيرة جدا وهى انك ترشح نفسك مشرف هنا فى المدونة
ودى قريب جدا ان شاء الله وهتلاقولها اعلان وطبعا الكل عاوز يكون مشرف ويكتب مواضيع
فى مدونة يانج ايجى اللى سيطها غطى على منتديات كبيرة ...
وبجد انا لقيت واحد صاحبى ميعرفش ان مدونة يانج ايجى دى بتاعتى
فكنت عنده
فقلتله عن برنامج تسريع الانترنت قاللى لاء
وقالى استنى انزلهولك دلوقتى لانى برده عاوزه
فدخل على بحث جوجل
وكتب برنامج تسريع الانترنت ماى ايجى
ودخل لقاهم قالولوا لقد حددت موضوع خاطئ
فرجع تانى لبحث جوجل وكتب :
برنامج تسريع الانترنت عرب ليونز
بس ملقاش
قولتله اكتب برنامج تسريع الانترنت برامج نت
قالى لاء انا جهيبهولك حالا
وقام كاتب :
برنامج تسريع الانترنت يانج ايجى
انا شوفت كده وقولت ايه ده
دى المدونة بتاعتى اما اسأله الاول لاحسن اكون غلطان
وفعلا سألته وقالى انا اقصد مدونة يانج ايجى وفعلا دخل ولقاها
الحمد لله وساعتها قولتله ان المدونة دى بتاعتى مصدقنيش فقلتله
طب ادخل على بلوجر وادخل الايميل والباسورد وانا اوريك
قاللى طيب وفعلا عملت كده واثبتله انها مدونتى الحمد لله
وده شئ احسد عليه الحقيقة
انى اجى بعد ماى ايجى وعرب ليونز فى البحث
....... الحمد لله
~~~الحمد لله رب العالميــــــن~~~
0 التعليقات:
إرسال تعليق